அலங்கார வாசலாலே

2. All saints; Neander                                               8, 7, 8, 7, 7, 7

"Open now thy gates of beauty"

1.       அலங்கார வாசலாலே

                        கோவிலுட் ப்ரவேசிப்பேன்;

            தேவ வீட்டில் நன்மையாலே

                        ஆத்துமத்தில் பூரிப்பேன்;

            தேவா, உம்தம் சமூகம்

            நல்கும் திவ்ய; வெளிச்சம்.

2.         கர்த்தரே, உம்மண்டை வந்த

                        என்னண்டைக்கு வாருமேன்;

            நீர் இறங்கும் போதனந்த

                        இன்பத்தால் மகிழுவேன்;

            ஏழை என்தன் நெஞ்சமும்

            தேவ ஸ்தலமாகிடும்.

3.         பயத்தோ டும்மண்டை சேர,

                        என் மன்றாட்டும் துதியும்

            நல்ல பலியாக ஏற

                        உமதாவியைக் கொடும்;

            தேகம், ஆவி, யாவையும்

            சுத்தமாக்கி யருளும்.

4.         நல்ல நிலத்தில் விழுந்த

                        விதை பயிராகுமே;

            அவ்வாறாக நான் மிகுந்த

                        கனிகளைத் தரவே

            வசனத்தைக் காக்க நீர்

            ஈவளிக்கக் கடவீர்.

5.         விசுவாசத்தை விடாமல்

                        அதில் பலப்படவும்

            ஒருக்காலும் தவறாமல்

                        உம்மை நான் பின் செல்லவும்

            அருட்சக்தியை நீரே

            எனக்கீயும், கர்த்தரே.

6.         நாதா, பேசும்; தாசன் கேட்பேன்;

                        நீர் இப்பாழ் நிலத்திலே

            பெய்யப் பண்ணும் மன்னா சேர்ப்பேன்

                        நல் தியானத்துடனே;

            தாரும் ஜீவ பானத்தை;

            தீரும் பசி தாகத்தை.